Við eftirlit byggingarfulltrúa í dag, 7. apríl,  kom í ljós að húsið nr. 12 við Tryggvagötu, svokallað Exeter hús, hefur allt verið rifið. Gildandi deiliskipulag veitti aðeins heimild til að lyfta húsinu upp um eina hæð, breyta formi þaks á bakhlið og gera við viðbyggingu.

„Ekkert byggingarleyfi hefur verið gefið út fyrir fyrirhugaðri uppbyggingu á lóðinni, en með byggingarleyfi frá 16. mars s.l. var veitt leyfi til að rífa hluta hússins Tryggvagötu l2 til undirbúnings endurbóta á húsinu,“ segir í tilkynningu frá Reykjavíkurborg.

„Reykjavíkurborg lítur mjög alvarlegum augum á málið því með niðurrifi alls hússins var farið langt út fyrir gildandi byggingarleyfi. Niðurrif hússins var því óleyfileg framkvæmd,  án allra tilskilinna leyfa og í andstöðu við gildandi deiliskipulag, en um byggingarleyfisskyldar framkvæmdir er að ræða (...) Byggingarfulltrúi Reykjavíkur hefur því  stöðvað framkvæmdir á reitnum  og jafnframt veitt eigendum sjö daga frest til  að koma á framfæri skriflegum skýringum og athugasemdum vegna málsins."

 Að frestinum liðnum mun byggingarfulltrúi taka ákvörðun um til hvaða aðgerða verði gripið af hálfu borgarinnar og „eftir atvikum kæra málið til lögreglu“.

Tengdar fréttir

Exeter-húsið rifið

Ákærður fyrir niðurrif á Exeter-húsi

• Exeter-húsið verður endurbyggt
• Framkvæmdir við Exeter-húsið hafnar
• „Menn komist ekki upp með svona“
• Minjastofnun kærir Mannverk

» Fleiri tengdar fréttir

• Blogga um frétt