Verktakafyrirtækið Mannverk er búið að svara Minjastofnun Íslands þar sem það gerir betur grein fyrir máli sínu vegna niðurrifs Exterer-hússins sem stóð við Tryggvagötu.

Að sögn Kristínar Huldar Sigurðardóttur, forstöðumanns Minjastofnunar, verður farið í gegnum svarið á morgun.

Í framhaldinu verður tekin ákvörðun um hvort stofnunin muni leggja fram kæru í málinu.

Fresturinn sem Minjastofnun veitti Mannverki til að svara rann út í gær. Áður en svarið barst frá fyrirtækinu hafði eina svarið sem Minjastofnun fékk síðan það lét rífa húsið verið yfirlýsing sem send var út til fjölmiðla í síðustu viku.

Þar bað fyrirtækið Minjastofnun, byggingaryfirvöld og almenning afsökunar á skorti á aðgát þegar það ákvað að rífa húsið, sem var friðað.

Svona á götumyndin að líta út eftir að Exter-húsið verður endurreist, samkvæmt upplýsingum frá Mannverki. Mynd/Aðsend

Tengdar fréttir

Exeter-húsið rifið

Ákærður fyrir niðurrif á Exeter-húsi

• Exeter-húsið verður endurbyggt
• Framkvæmdir við Exeter-húsið hafnar
• „Menn komist ekki upp með svona“
• Minjastofnun kærir Mannverk

» Fleiri tengdar fréttir

• Blogga um frétt