Berglind og Sigrún hugsa enn málið
Setja bókamerki
Berglind Ásgeirsdóttir, sendiherra Íslands í Frakklandi og Sigrún Stefánsdóttir, forseti hug- og félagsvísindasviðs Háskólans á Akureyri, hafa hvorugar gert upp hug sinn varðandi framboð til embættis forseta Íslands.
Berglind staðfesti í samtali við Ríkisútvarpið á mánudaginn í þessari viku að hún hefði fengið margar áskoranir og þá einkum frá konum. Sagðist hún ætla að íhuga vandlega hvort hún verði við þessum áskorunum en muni ekki taka marga daga í það.
Sigrún sagðist í samtali við mbl.is á mánudaginn ætla að gefa sér þessa viku til að ákveða hvort hún fari fram. Þegar blaðamaður náði tali af henni í dag var hún ekki viss um að ákvörðunin lægi fyrir á þeim tíma.
Guðrún Nordal og Guðni Th. Jóhannesson eru meðal þeirra sem enn eiga eftir að ákveða hvort þau fara fram.
Forsetakosningar fara fram 25. júní næstkomandi en frestur til að tilkynna um framboð rennur út fimm vikum áður, eða 21. maí.
Boðaðar aðgerðir Eflingar „fordæmalausar“
Segir næstu stjórn sitja uppi með ákvörðun Bjarna
Alvarlegasta vinnuslys Svíþjóðar til ESB
Líkamsárásir í Hafnarfirði og Kópavogi
Myndir: Vöruhús hindrar útsýni íbúa
Engin heiðvirð manneskja vilji kenna sig við samtökin
„Miðað við daginn í dag“ þá verður mynduð stjórn