Yfir 300 manns hafa lagt nafn sitt við undirskriftarlista sem ber yfirskriftina „Komum Seibel fjölskyldunni í skjól“.

Þar er átt við Irinu og Vladimir Seibel og börn þeirra, Milinu sem er níu ára og tvíburana Samir og Kemal sem eru sex ára en mbl.is og Sunnudagsblað Morgunblaðsins hafa fjallað ítarlega um mál þeirra síðastliðna viku. Fjölskyldan hraktist frá Úsbekistan vegna trúarofsókna og hafði búið hér á landi í átta mánuði þegar þeim var vísað úr landi.

Í kjölfarið tók við ferð til Frakklands þar sem þau eiga í engin hús að venda, auk þess sem þrjár ferðir og margra klukkutíma bið á héraðsskrifstofu í úthverfi Parísar þar sem þeim var gert að skrá sig hafa enn ekki leitt til neins, vegna bilunnar í prentara að sögn starfsmanna.

„Við viljum biðla til ykkar um að hjálpa til við að reyna að koma þeim aftur hingað heim til Íslands,“ segir í lýsingu undirskriftalistans.

Vonast er eftir að þessi undirskriftalisti geti sýnt samstöðu og vilja Íslendinga um að Seibel fjölskyldunni verði veitt hæli hér á Íslandi.“

Hægt er að skrifa undir hér

Seibel fjölskyldan

• Sei­bel fjöl­skyld­an kveðst of­sótt í heimalandi sínu vegna trú­ar­bragða sinna.
• Fjöl­skyld­an sótti um vega­bréfs­árit­un til Íslands í sendi­ráði Frakk­lands í Úsbek­ist­an.
• Fjöl­skyld­an flaug til Íslands og sótti um hæli en um­sókn­in var ekki tek­in til meðferðar.
• Að sögn Helgu Völu Helga­dótt­ur, lög­manns fjöl­skyld­unn­ar, líta ís­lensk yf­ir­völd svo á að fjöl­skyld­an hafi fengið vega­bréfs­árit­un til Frakk­lands og því beri Íslandi ekki að taka um­sókn­ina til meðferðar.

Tengdar fréttir

Flóttafólk á Íslandi

Ekki hægt að setja hámark á hælisumsóknir

• Telur ekki þurfa að herða útlendingalöggjöfina
• Engin ákvörðun tekin en er til skoðunar
• Umboðsmaður Alþingis skoðar dvalarleyfisumsóknir
• Hámarksdvalarleyfi lengt í fimm ár

» Fleiri tengdar fréttir

Seibel-fjölskyldan

Á gangi í Nice klukkutíma áður

• Tala um Ísland á hverjum degi
• „Þetta er mjög erfitt“
• Safna til styrktar Seibel-fjölskyldunni
• Lögbrot að senda börn á götuna

» Fleiri tengdar fréttir

• Blogga um frétt