„Flokk­ur­inn á alla mögu­leika á því að dafna vel fái hann frið fyr­ir fólki með þetta hug­ar­far,“ seg­ir Ólína Þor­varðardótt­ir, þingmaður Sam­fylk­ing­ar­inn­ar, á Face­book í dag þar sem hún seg­ist ekki geta orða bund­ist vegna „karlpen­ings­ins í Sam­fylk­ing­unni sem kepp­ist við að boða dauða flokks­ins nema þeir fái að stjórna hon­um.“

Magnús Orri Schram, fyrr­ver­andi þingmaður Sam­fylk­ing­ar­inn­ar, kallaði eft­ir því í vik­unni að flokk­ur­inn yrði lagður niður og stofnuð ný hreyf­ing í sam­starfi við aðra flokka. Árni Páll Árna­son, formaður Sam­fylk­ing­ar­inn­ar, lýsti því yfir í byrj­un vik­unn­ar í Rík­is­út­varp­inu að ekki væri sjálf­gefið að flokk­ur­inn lifði af þær hremm­ing­ar sem hann hefði gengið í gegn­um.

„Því miður fyr­ir ykk­ur, strák­ar mín­ir, þá er þetta ekki svona,“ seg­ir Ólína hins veg­ar. „Sam­fylk­ing­in er til orðin um jafnaðar­hug­sjón­ina. Þörf­in fyr­ir jöfnuð, rétt­læti, sam­stöðu og lýðræði hef­ur sjald­an ef nokkru sinni verið brýnni en ein­mitt nú á dög­um. En stjórn­mála­flokk­ar eru líka fólkið sem í þeim starfar. Sé starfið innt þannig af hendi að um­hyggja fyr­ir hug­sjón­inni standi ofar per­sónu­leg­um metnaði og at­hygliþörf eru all­ar lík­ur á að vel tak­ist til.“

Ólína seg­ir enn­frem­ur að mis­brest­ur hafi orðið á í þess­um efn­um inn­an Sam­fylk­ing­ar­inn­ar „þar sem menn kepp­ast nú við að gefa út dán­ar­vott­orðið af því að þeir sjá ekki fram á að fá að ráða ferðinni sjálf­ir. Ég bið flokkn­um vægðar gegn þess­um sjálfs­morðsárás­um ör­vænt­ing­ar­fullra for­manns­fram­bjóðenda. Við sem störf­um í flokkn­um af heil­ind­um og hug­sjón eig­um þetta ekki skilið.“

Tengd­ar frétt­ir

For­manns­kjör Sam­fylk­ing­ar­inn­ar 2016

Stefn­ir enn á ESB

• Frest­ur til vara­for­manns­fram­boðs lengd­ur
• Dag­ur B. styður Magnús Orra
• For­manns­kjör bjargi ekki Sam­fylk­ing­unni
• Vill laða til sam­starfs á nýj­um grund­velli

» Fleiri tengd­ar frétt­ir

• 5 blogg um frétt­ina

Bloggað um frétt­ina

• Ómar Ragn­ars­son: Kenni­töluflakk stjórn­mála­flokka næg­ir ekki.
• Krist­björn Árna­son: Furðuleg­ur bar­lóm­ur í Sam­fylk­ing­unni
• Krist­in stjórn­mála­sam­tök: "Þessi svo­kallaði jafnaðar­manna­flokk­ur ... sjálf­dauður úr leiðind­um"?!
• Óðinn Þóris­son: Rétt hjá Ólínu
• Páll Vil­hjálms­son: Sjálfs­morðsfylk­ing­in og Ólína