Félagsdómur á eftir að taka afstöðu til þess hvort þjálfunarbann flugumferðarstjóra standist lög. Tók dómurinn málið fyrir í vikunni.

Félag íslenskra flugumferðarstjóra (FÍF) hefur átt í kjaradeilum við Isavia og vegna þeirra var sett á yfirvinnubann 6. apríl sl. Ekkert hefur gengið í viðræðum og var þjálfunarbann sett á 6. maí sl., sem felst í því að flugumferðarstjórum er bannað að sinna þjálfun nýliða.

Samninganefndir hittust síðast í Karphúsinu sl. mánudag og segir Sigurjón Jónasson, formaður FÍF, í Morgunblaðinu í dag, að engainn árangur hafi náðst í þeim viðræðum. Hefur sáttasemjari boðað næsta fund föstudaginn 20. maí.  „Félagsdómur mun ekki leysa deiluna sem slíka en gæti komið hreyfingu á viðræðurnar,“ segir Sigurjón um áhrif þess ef félagsdómur fellur flugumferðarstjórum í vil.

Tengdar fréttir

Kjaraviðræður

Erfiðlega gekk að setja fund í borgarstjórn

• „Skapa ójafnræði og óréttlæti“
• Börnum mismunað: Kjaradeilan verði leyst án tafar
• „Það er engin ákveðin hreyfing í deilunni“
• Boða til nýs verkfalls

» Fleiri tengdar fréttir