Boeing 767-vél í eigu Icelandair var á mánudagskvöldið snúið við á leið sinni frá Boston. Um er að ræða vél sem Icelandair bætti við sig nú í byrjun maí.
„Eftir flugtak frá Boston sýndu mælitæki í stjórnklefanum að hjólabúnaður hefði ekki fest sem skyldi og var því ákveðið að snúa við.
Eftir lendingu kom í ljós að ekki virtist vera um neina bilun í hjólabúnaði að ræða,“ segir Guðjón Arngrímsson, upplýsingafulltrúi Icelandair, í Morgunblaðinu í dag.