Innlent | Morgunblaðið | 28.5.2016 | 8:18 | Uppfært 8:50

Byggja við gamla hótelið

Hið nýja Hótel Reykjahlíð. Icelandair er ekki tilbúið með teikningar að útliti hótelsins, hefur einungis lagt fram deiliskipulagstillögur fyrir svæðið sem hér má sjá. Gamla húsið stendur uppúr. Teikning/Apparat arkitektar

Ný bygging Icelandair Hotels við Hótel Reykjahlíð er komin í deiliskipulag sveitarinnar en þar er gert ráð fyrir að byggja 43 herbergja viðbyggingu við gamla hótelið.

Í deiliskipulaginu kemur fram að ætlun eigenda sé að byggja látlausa byggingu þannig að núverandi bygging fái að njóta sín og verði miðpunkturinn. Torf verður á þökum viðbyggingarinnar sem verður klædd gráum viði.

Þá segir einnig að það sé vilji Icelandair Hotels að standa vel að framkvæmdinni og huga sérstaklega að fráveitumálum, með vísan í reglugerð um verndun Mývatns og Laxár frá 2012. Þannig verður allt skólp hreinsað með ítarlegri hreinsun en tveggja þrepa hreinsun er í samræmi við ákvæði um fráveitur og skólp, að því er fram kemur í umfjöllun um hóteláformin við Mývatn í Morgunblaðinu í dag.