Karlmaður var handtekinn við Ýmishúsið í morgun eftir að hann veittist að talsmanni Stofnunar múslima með steypustyrktarjárni.

Samkvæmt lögreglunni á höfuðborgarsvæðinu hafið hann einnig haft uppi alvarlegar hótanir og því þótti ekki annað hægt en að handtaka hann.

Frétt mbl.is: Þurfa að yfirgefa Ýmishúsið í dag

Maðurinn var vistaður í fangageymslu lögreglunnar og verður yfirheyrður í dag.

Hann hafði mótmælt því að Menningarsetur múslima skyldi borið út úr Ýmishúsinu. Samkvæmt úrskurði Héraðsdóms Reykjavíkur átti útburðurinn að hefjast klukkan 10 í morgun.

Sýslumaður hafnaði í dag ósk Menningarsetursins um að fá fjögurra daga frest til að yfirgefa húsnæðið.

Mikið fjaðrafok var við Ýmishúsið í morgun. mbl.is/Árni Sæberg

Tengdar fréttir

Málefni múslima á Íslandi

Dómur í húsnæðisdeilu múslima staðfestur

• Greiða vangoldna leigu fyrir Ýmishús
• Deilur vegna Ýmishúss í hnút
• Krefjast staðfestingar á leigurétti
• Vísa sögusögnum RÚV á bug

» Fleiri tengdar fréttir

• Blogga um frétt