Boðað hefur verið til þingfundar á Alþingi klukkan 15 í dag þar sem Ólöf Nordal innanríkisráðherra mun kynna frumvarp til laga um kjaramál Félags íslenskra flugumferðarstjóra.

Frumvarpið var kynnt á fundi ríkisstjórnarinnar í morgun og funduðu forsætisráðherra og innanríkisráðherra með forystumönnum stjórnarandstöðuflokkanna í framhaldi af ríkisstjórnarfundi.

Helgi Bernódusson, skrifstofustjóri Alþingis, segir dagskrá þingfundar ekki liggja fyrir en kveður það augljóst að til standi að ræða kjaradeilu flugumferðarstjóra og ISAVIA.

Frétt mbl.is: Stjórnvöld grípa inn í kjaradeilu

Allgjör pattstaða ríkir í kjaradeilunni. Flugumferðarstjórar sætta sig ekki við þær hækkanir sem þeim hafa verið boðnar á sama tíma og Samtök atvinnulífsins eru ekki tilbúin að bjóða meiri hækkanir en rúmast innan SALEK-samkomulagsins.

Samkvæmt því sem fram kom í frétt Ríkisútvarpsins í morgun um frumvarp Ólafar hafa viðsemjendur tíma til 24. júní nk. til að semja. Takist það ekki verður skipaður gerðardómur til að úrskurða um laun flugumferðarstjóra.

Tengdar fréttir

Kjaradeilur í fluggeiranum

Segja Bláfugl og SA brjóta á kjarasamningum

• Erfiðir samningar en ánægður með báða aðila
• Vinnustöðvun flugumferðarstjóra aflýst
• Enn stefnir í vinnustöðvun á þriðjudaginn
• Boðað til sáttafundar á morgun

» Fleiri tengdar fréttir

• Blogga um frétt