Lögreglan gerði húsleit í fyrradag á heimili sambýliskonu annars tveggja manna sem yfirheyrðir voru vegna Guðmundarmálsins. Skilyrði fyrir slíkri leit eru að rökstuddur grunur leiki á að framið hafi verið brot sem sætt getur ákæru og að sakborningur hafi verið þar að verki, enda séu augljósir rannsóknarhagsmunir í húfi. Mennirnir, sem handteknir voru í tengslum við Guðmundar- og Geirfinnsmálið, hafa báðir afplánað refsidóma, annar margoft og hinn hlotið þunga dóma, samkvæmt heimildum Morgunblaðsins.

Friðrik Smári Björgvinsson, yfirmaður rannsóknardeildar lögreglu höfuðborgarsvæðisins, og Davíð Þór Björgvinsson, settur saksóknari endurupptöku Guðmundar- og Geirfinnsmálsins, vildu ekki tjá sig um málið þegar eftir því var leitað.

Samkvæmt heimildum mun rannsókn lögreglunnar einkum snúa að því hvort mennirnir tengist mögulega flutningi á líki Guðmundar Einarssonar, sem hvarf hinn 29. janúar 1974 í Hafnarfirði.

Tengdar fréttir

Guðmundar- og Geirfinnsmál

Telur sig vita hvað gerðist

• „Fyrsta varðan í áttina að afbrotafræðinni“
• Nýju ljósi varpað á Guðmundar- og Geirfinnsmál
• Ríkið þarf að greiða Alberti 26 milljónir
• „Þetta er auðvitað algjörlega galið“

» Fleiri tengdar fréttir