Samtals voru 277.606 framteljendur á skattgrunnskrá árið 2016, en þeim fjölgaði um 5.800 milli ára, eða um 2,1%. Hafa framteljendur aldrei verið fleiri og er þetta mesta fjölgun sem hefur orðið frá efnahagshruninu árið 2008. Áætla þurfti opinber gjöld á 4,24% framteljenda, eða 11.762. Það er svipaður fjöldi og undanfarin ár.

Við álagningu opinberra gjalda árið 2016 bárust aðeins 37 hefðbundin framtöl á pappír en auk þess bárust 689 pappírsframtöl erlendra einstaklinga sem dvöldust hérlendis hluta úr árinu. Pappírsframtöl eru þannig nánast horfin og rafræn skattframtöl eru orðin allsráðandi af skiluðum framtölum eða 99,72%. Þetta kemur fram í upplýsingum ríkisskattstjóra, en embættið lagði fram álagningaskrár í dag. Munu þær liggja frammi á starfsstöðvum embættisins um allt land næstu tvær vikurnar.

Kærufrestur vegna álagningar hefur verið lengur í 60 daga og mun hann renna út 31. ágúst.

Tengdar fréttir

Skattar á Íslandi

Búsettur erlendis en þarf að greiða skatta á Íslandi

• Frestur til að framlengja nýtingu að renna út
• Bunki af fyrirspurnum vegna vaxtabóta
• Harma birtingu álagningarskráa
• Læknar hækka mest milli ára

» Fleiri tengdar fréttir

• Blogga um frétt