Talið er að björgunarsveitarmenn sem taka þátt í leit að erlendum ferðamanni sem féll ofan í á við Sveinsgil verði orðnir um 300 talsins þegar líður á nóttina. Búið er að kalla á aukamannskap frá Reykjanesi, Akranesi, Borgarnesi og höfuðborgarsvæðinu en fyrsta útkallið kom um klukkan 18 í kvöld.

Fyrri frétt mbl.is: Notast við keðjusagir og skóflur

Fyrri frétt mbl.is: Féll í á við Sveinsgil

Að sögn Svans Lárusar Sævarssonar í svæðisstjórn á staðnum eru nú rétt tæplega 60 manns að moka snjó en talið er að maðurinn sé und­ir snjó­brúnni sem er yfir ánni. Hann segir svæðið í sjálfu sér ekki stórt en mjög mikið. „Við erum að moka einhverjum einbýlishúsum af snjó hérna með handafli,“ segir Svanur í samtali við mbl.is.

Hann segir aðstæður leiðinlegar, grenjandi rigning sé á svæðinu, sem sé þó aðeins að slota. Þá er einnig að kólna og er vonast eftir því að aðstæður verði nú þolanlegri.

Svanur gerir ráð fyrir að það verði leitað áfram inn í nóttina.

Stjórn­stöð Land­helg­is­gæsl­unn­ar barst klukk­an 18.07 beiðni frá lög­reglu um aðstoð þyrlu vegna ferðamanns. Sam­ferðamanni hans hafði tek­ist að láta vita en þeir voru á gangi yfir ísbrú þegar slysið varð.

Þyrla Land­helg­is­gæsl­unn­ar, TF-LIF, var þegar kölluð út og flaug á vett­vang. Þá var ekki nákvæm­lega vitað hvar ferðamenn­irn­ir væru stadd­ir en þyrl­an fann mjög fljót­lega þann sem náð hafði að til­kynna slysið og þar með var staðsetn­ing slysstaðar kunn.

Tengdar fréttir

Leit við Sveinsgil

Eins og að hafa orðið fyrir lest

• Fékk hjartaáfall á vettvangi
• Tók hálftíma að ná í manninn
• Franski ferðamaðurinn látinn
• Leita fram eftir kvöldi

» Fleiri tengdar fréttir

• Blogga um frétt