Guðni Th. Jóhannesson tók við embætti forseta Íslands í gær en fyrir mánuði síðan urðu einnig ákveðin tímamót á ferli hans þegar samþykkt var formlega af hálfu Háskóla Íslands að hann fengi stöðu prófessors í sagnfræði við skólann en áður gegndi hann stöðu dósents.

Guðni sótti um stöðu prófessors á síðasta ári og fór þá í gang hefðbundið ferli sem nefnist framgangur þar sem lagt er mat á viðkomandi umsækjanda og hvort hann hafi skilað því sem þurfi til þess að stíga upp um þrep að sögn Guðmundar Hálfdanarsonar, sagnfræðiprófessors og forseta hugvísindasviðs Háskóla Íslands. 

Guðni er í leyfi frá störfum sínum við Háskóla Íslands vegna kjörs hans sem forseta Íslands. Athygli vakti að Guðni var titlaður prófessor þegar hann var settur í embætti forseta í gær í ljósi þess að hann var titlaður dósent á vefsíðu hans í kosningabaráttunni.

Spurður hversu lengi Guðni getur verið í leyfi segir Guðmundur að um það gildi ákveðnar reglur en sitji hann til að mynda aðeins eitt kjörtímabil geti hann snúið aftur til fyrri starfa.

Tengdar fréttir

Forsetakosningar 2016

„Kom aldrei til greina að gera lag“

• Eldra fólkið kýs frekar
• Framboð Davíðs kostaði 27,7 milljónir
• Framboð Guðna kostaði 25 milljónir
• Fyrsta heimsóknin hafin

» Fleiri tengdar fréttir

• 1 blogg um fréttina

Bloggað um fréttina

• Kristbjörn Árnason: Davíð fær föst skeyti frá Hringbrautinni