Það var lífleg stemning í miðbænum í dag þegar Menningarnótt var haldin með pomp og prakt í 21. sinn. Mikill mannfjöldi safnaðist saman, eins og sjá má á meðfylgjandi myndum sem ljósmyndari mbl.is tók, og skemmtu bæðir ungir og aldnir sér fram á kvöld.

Boðið var upp á fjölmarga viðburði um allan miðbæinn.

Menningarnótt markar upphaf menningarársins 2016 til 2017 í Reykjavík. Þá ljúka lista- og menningarstofnanir, hátíðir, listmenn, listhópar og fjölmargir aðrir upp dyrum sínum og bjóða upp á dagskrá sem endurspeglar starfsemi þeirra og það sem er framundan á árinu.

Var fólk hvatt til þess að skilja bílinn eftir heima, taka strætó, koma fótgangandi eða á hjóli.

Þess má geta að tónaflóð Rásar 2 fer fram á Arnarhóli í kvöld, en meðal annars munu Glowie, rapp­ar­arn­ir Emm­sjé Gauti og fé­lag­ar hans í Úlfur Úlfur koma fram. Á eft­ir þeim stíg­ur Bubbi Morthens á svið. For­ingi Fjalla­bræðra, Hall­dór Gunn­ar Páls­son, stýr­ir loka­atriðinu sem nefn­ist „Ljós­vík­ing­ar að vest­an“ en þar koma fram helstu tón­list­ar­menn Ísa­fjarðarbæj­ar.

Tón­leik­arn­ir á Arn­ar­hóli standa til 23 eða fram að flug­elda­sýn­ingu Menningar­næt­ur.

Tengdar fréttir

Menningarnótt 2016

Tilkynntar tvær nauðganir

• Flugeldar lýstu upp borgina
• 131 mál á borði lögreglu
• Menningarnótt hefur gengið stóráfallalaust
• „Skilið þið kvótanum aftur til þjóðarinnar“

» Fleiri tengdar fréttir

• Blogga um frétt