Venju samkvæmt bauð Dagur B. Eggertsson borgarstjóri gestum og gangandi í vöfflukaffi í kjallaranum á heimili sínu við Óðinsgötu í tilefni Menningarnætur í Reykjavík. Borgarstjóri stóð sjálfur vaktina við vöfflujárnið og náði röðin út úr dyrum.

Dagur óskaði eftir aðstoð nágranna á Facebook-síðu sinni rétt fyrir vöfflukaffið og kallaði eftir stórvirkri kaffikönnu eða trekt í eina slíka. Þó að  tæpt hafi staðið með kaffið klikkuðu ekki vöfflurnar.