Bjarni Benediktsson, fjármála- og efnahagsráðherra, segir milljónabónusa til handa starfsmönnum eignarhaldsfélagsins Kaupþings lykta af sjálftöku. Þetta kom fram í kvöldfréttum RÚV.

DV sagði frá því fyrr í vikunni að tuttugu manna hópur sem starfaði fyrir félagið gæti átt von á því að fá úthlutað samtals tæplega 1,5 milljörðum króna í bónusgreiðslur, ekki síðar en í lok apríl 2018.

„Ég er ótrúlega hissa á að við skulum verða vitni að svona samningum árið 2016,“ sagði Bjarni í samtali við RÚV í dag. Sagði hann að „allt þetta fyrirbæri sem Kaupþing er, og þessir samningar, hreinlega lykta af sjálftöku.“

Ráðherra sagðist aðspurður ekki hafa heimildir til að „stinga sér inn í“ mál á borð við þetta en menn gætu e.t.v. huggað sig við það að lagaumhverfinu hefði verið breytt þannig að menn kæmust ekki hjá því að greiða launaskatt af greiðslunum.

Tengdar fréttir

Bankabónusar

„Seld langt undir eðlilegu verði“

• Aldrei sátt um kaupaukagreiðslur segir BSRB
• Fjármunirnir ekki allir úr landi
• Frumvarp til að taka á bankabónusum
• Íhugar stofnun starfshóps

» Fleiri tengdar fréttir

• 2 blogg um fréttina

Bloggað um fréttina

• Erla Magna Alexandersdóttir: ÞESSIR MENN ERU AÐ FÁ BÓNUS FYRIR AÐ SELJA HÚSNÆÐI …
• Ægir Óskar Hallgrímsson: Bónus fyrir að henda Íslendingum á götuna..