Embætti forseta Íslands fær 10 milljónir aukalega samkvæmt fjáraukalagafrumvarpi sem lagt var fyrir Alþingi í gær. Meðal annars er gert ráð fyrir að heimasíða embættisins verði færð til nútímahorfs og gerð gagnvirk, en núverandi síða er 16 ára gömul. 

Kostnaður vegna uppfærslu heimasíðunnar er áætlaður 5 milljónir og er gert ráð fyrir að efnt verði til útboðs síðar í haust og ný síða opnuð fyrir lok ársins, að því er fram kemur í skýringum með fjáraukalögunum.

Þá er einnig sótt um 5 milljóna framlag í tengslum við embættistöku nýs forseta og til að ráða starfsmanna til að sinna almennum verkefnum á Bessastöðum. Kemur fram í skýringum frumvarpsins að starfsmannafjöldi embættisins hafi haldist óbreyttur undanfarna áratugi. Þá hafði embættistaka nýs forseta falið í sér margvísleg útgjöld.

Þá er einnig sótt um 15 milljóna framlag í gegnum forsætisráðuneytið fyrir húsasmíðameistara ríkisins, en aukin útgjöld eru rökstudd með því að kostnaður hafi fallið til vegna flutninga, öryggismála, innréttinga og endurbóta á innanstokksmunum á Bessastöðum við forsetaskiptin. Er um að ræða innanstokksmuni í Bessastaðastofu, bókhlöðu og móttökusal.

Tengdar fréttir

Fjárlög 2016

770 milljónir vegna hælisleitenda

• 146 milljónir vegna hafsbotnsrannsókna
• Kostnaður við kosningar 488 milljónir
• Snakkmálið í Hæstarétti í febrúar
• Breytt fjárlög samþykkt

» Fleiri tengdar fréttir

• Blogga um frétt