Snýst frekar um málefnin en einstaklinginn
Setja bókamerki
Katrín Jakobsdóttir, þingmaður og formaður Vinstri hreyfingarinnar - græns framboðs, óskar Sigurði Inga Jóhannssyni til hamingju með kosninguna sem nýr formaður Framsóknarflokksins. Katrín segist í samtali við mbl.is vænta þess að eiga við hann gott samstarf.
„Við náttúrlega horfum fyrst og fremst til málefnaáherslna flokkanna og hvaða málefni flokkarnir setja á oddinn í stjórnarmyndunarviðræðum,“ segir Katrín, spurð um hvort henni þyki skipta máli hver gegnir forystu í Framsóknarflokknum þegar kemur að mögulega erfiðum stjórnarmyndunarviðræðum að loknum kosningum í október.
„Þannig að við kannski erum ekki endilega að meta það út frá einstaklingunum heldur fyrst og fremst hvaða málefni flokkarnir setja á oddinn,“ segir Katrín. „Eins og ég segi þá bara væntum við góðs samstarfs við nýjan formann.“
Gosið gæti varað lengur: Meiri fyrirstaða í gosrásinni
Sáu eldgosið brjótast út frá Snæfellsnesi
Hraunið náð Njarðvíkuræð: Fylgjast með raflínu
Litlar líkur á að hraunið nái til mannvirkja
Mjög alvarlegt ef Njarðvíkuræð gefur sig
„Erum í miðri hrinu“: Styttist í Eldvörp
Maskína: Framsókn í fallbaráttu