Neyðarástandi hefur nú verið aflétt á Landspítalanum samkvæmt upplýsingum mbl.is. Blóðbankinn hefur því ekki þurft að gefa frá sér frekara ákall um blóðgjafir í kjölfar rútuslyssins sem varð fyrr í dag.

42 voru um borð í rútunni sem valt út af Þingvallavegi upp úr klukkan tíu í morgun. Fimmtán voru fluttir á Landspítalann til aðhlynningar en 27 voru flutt­ir í fjölda­hjálp­ar­stöð Rauða kross­ins í Mos­fells­bæ.

Frétt mbl.is: Fimmtán fluttir á Landspítalann

Vigdís Jóhannsdóttir, forstöðumaður blóðsöfnunar hjá Blóðbankanum, segir í samtali við mbl.is að Blóðbankinn eigi að ráða við álagið sem þessu fylgir.

„Við önnum því sem þeir eru að biðja um. Við höfum verið að hringja í okkar reglulegu blóðgjafa og það verður bara venjuleg opnun hjá okkur í dag, eins og staðan er núna.“

Frá vettvangi slyssins við Þingvallaveg í dag. mbl.is/Júlíus

Best að hringja í vana blóðgjafa

Segir hún marga blóðgjafa hafa brugðist fljótt við símtali til sín, og einhverjir hafi jafnvel komið áður en hringt hafi verið í þá, en eftir að þeir fréttu af slysinu.

„Það reynist okkur best í þessum aðstæðum að hringja í þá sem eru vanir, þá vitum við að þeir eru nógu hraustir til að geta gefið,“ segir Vigdís. „Sem betur fer er staðan þannig að við önnum þessu vel.“

Tengdar fréttir

Rútuslys á Þingvallavegi

Ein stjórnstöð og góð yfirsýn

• Kínversk kona enn á gjörgæslu
• Einn farþega enn á gjörgæslu
• Einn áfram á gjörgæslu
• Tíu útskrifaðir eftir rútuslysið

» Fleiri tengdar fréttir

• Blogga um frétt