Stofn­un múslima á Íslandi hef­ur stefnt Menn­ing­ar­setri múslima vegna ólög­mætra leigu­af­nota af Ýmis­hús­inu í Skóg­ar­hlíð. Þetta staðfesti Gísli Björns­son, lögmaður Stofn­un­ar múslima á Íslandi, í sam­tali við mbl.is.

Stefn­an var þing­fest 13. októ­ber en Menn­ing­ar­setr­inu er stefnt til greiðslu upp á tæp­ar 15 millj­ón­ir króna auk drátta­vaxta. Svo­kallaður af­nota­samn­ing­ur milli fé­lag­anna rann úr gildi um ára­mót­in 2014-15 og því eru hin ólög­mætu leigu­af­not frá þeim tíma og þar til Menn­ing­ar­setrið var borið út úr Ýmis­hús­inu í júní í ár.

Málið á sér tals­verða for­sögu en fyrr í októ­ber var þing­fest mál Menn­ing­ar­set­urs­ins gegn Stofn­un múslima. Þar er þess kraf­ist að leigu­rétt­ur Menn­ing­ar­set­urs­ins í Ýmis­hús­inu í Skóg­ar­hlíð verði staðfest­ur.

Stofn­un múslima er eig­andi húss­ins, en það var keypt árið 2010. Stofn­un­in sagði fyrr á þessu ári að það hafi gert af­nota­samn­ing við Menn­ing­ar­setrið og að staðið hafi til að gerður yrði húsa­leigu­samn­ing­ur. Drög að þeim samn­ingi hafi verið gerð og dag­sett 20. des­em­ber 2012 og átt að gilda til 31. des­em­ber 2023. Næsta dag hafi hins veg­ar verið ákveðið að breyta fyr­ir­komu­lag­inu og gefa Menn­ing­armiðstöðinni af­nota­rétt af hluta húss­ins án end­ur­gjalds. Þetta hafi verið staðfest með samn­ingi sem er dag­sett­ur 21. des­em­ber 2012, en að fyrri samn­ing­ur­inn hafi með þessu verið feld­ur niður. Sam­kvæmt lög­manni Stofn­un­ar múslima er það staðfest í úr­sk­urði Héraðsdóms Reykja­vík­ur í út­b­urðar­mál­inu.

Fyrri samn­ing­ur­inn var und­ir­ritaður og vottaður síðar, en sá síðari var und­ir­ritaður af ein­um manni fyr­ir hönd hvors aðila og held­ur Menn­ing­ar­setrið því fram að sá samn­ing­ur hafi verið dag­sett­ur aft­ur í tím­ann og að sá sem und­ir­rit­ar samn­ing­inn fyr­ir þeirra hönd hafi ekki gert það fyrr en eft­ir að hann tók að starfa með Stofn­un múslima. Menn­ing­ar­setrið af­henti fyrri samn­ing­inn til þing­lýs­ing­ar 22. janú­ar 2015. Í úr­sk­urðinum um út­b­urð kom fram að seinni samn­ing­ur­inn hafi fellt fyrri samn­ing­inn úr gildi.

Auk þess er Stofn­un múslima búin að stefna RÚV og 365 auk Sal­manns Tam­ini fyr­ir meiðyrði. Í frétt RÚV frá því í byrj­un júlíl var Stofn­un­in tengd við er­lend hryðju­verka­mann úr röðum ISIS. Á frétta­vef Vís­is var frétt um meinta teng­ingu við sama hryðju­verka­mann, og viðtal við Sal­mann Tamimi um það. 

Tengd­ar frétt­ir

Mál­efni múslima á Íslandi

Dóm­ur í hús­næðis­deilu múslima staðfest­ur

• Greiða van­goldna leigu fyr­ir Ýmis­hús
• Krefjast staðfest­ing­ar á leigu­rétti
• Vísa sögu­sögn­um RÚV á bug
• Múslim­ar með aðstöðu hjá Frí­kirkj­unni

» Fleiri tengd­ar frétt­ir

• Blogga um frétt