Kveikt var í jólageitinni við IKEA við Kauptún í Garðabæ í nótt. Að sögn varðstjóra í slökkviliði höfuðborgarsvæðisins var tilkynnt um íkveikjuna um fjögurleytið og brann geitin nánast til kaldra kola. 

Í síðustu viku var reynt að kveikja í jólageitinni en til skemmdarvarganna sást í öryggismyndavélakerfi fyrirtækisins.

Samkvæmt upplýsingum frá lögreglunni á höfuðborgarsvæðinu sáust mennirnir sem eru grunaðir um að hafa kveikt í geitinni í nótt yfirgefa vettvanginn í bifreið. Lögreglan stöðvaði bifreiðina skömmu síðar og handtók þrjá. Tveir þeirra eru vistaðir í fangageymslu fyrir rannsókn málsins.

Uppfært klukkan 8.53

„Skemmdarvargar kveiktu í jólageit IKEA í nótt og er hún gjöreyðilögð. Fólkið var elt uppi, fyrst af öryggisverði IKEA og svo tók lögreglan við og náði fólkinu loks við Bústaðaveg í Reykjavík. Tjónið er vel á aðra milljón króna og verða skemmdarvargarnir krafðir bóta. Enn hefur ekki verið tekin ákvörðun um hvort geitin rísi á ný, enda er það bæði kostnaðarsamt og tímafrekt. Það er sorglegt að skemmdarfýsn sumra sé slík að engin virðing sé borin fyrir eigum annarra. Fólkið í nótt kom í þeim eina tilgangi að skemma og á nú yfir höfði sér kæru,“ segir í tilkynningu frá IKEA.

Jólageitin brann í nótt. mbl.is/Eggert Jóhannesson

Tengdar fréttir

Jólageitur

72 dagar til jóla og geitin komin upp

• „Markmiðið að engin kveiki í geitinni“
• Kveikt strax í jólageitinni
• Viljum hægja á þessum sirkus
• Rannsókn geitar-brunans lokið

» Fleiri tengdar fréttir

• 1 blogg um fréttina

Bloggað um fréttina

• Jens Guð: Auglýsingabrella