Ríkislögreglustjóri segir að öll fjarskipti lögreglumanna embættisins verði á næstu dögum dulkóðuð. Mbl.is sagði frá því í vikunni að hægt væri að hlusta á samskipti lögreglunnar og annarra viðbragðsaðila á netsíðu, en einhver virðist hlera samskiptin sem ekki eru dulkóðuð og skella beint á netið. 

Í framhaldinu tilkynnti lögreglan á höfuðborgarsvæðinu að þar á bæ yrðu öll fjarskipti dulkóðuð samdægurs, en búnaður hafði verið til staðar frá því í vor að dulkóða samskiptin. Aftur á móti var beðið eftir að samstarfsaðilar lögreglunnar myndu uppfæra sinn búnað.

Samskipti ríkislögreglustjóra, sem sérsveitin heyrir meðal annars undir, voru aftur á móti áfram ódulkóðuð. Í tilkynningu frá ríkislögreglustjóra segir að brugðist verði við þessu á næstu dögum. Þá er reiknað með að öll lögregluembætti landsins verði á næstunni komin með slíkan búnað.

Tengdar fréttir

Hlerun Tetra-kerfisins

Dulkóða og kaupa nýjar talstöðvar

• Rannsaka hlerun Tetra-kerfisins
• „Átti að vera öruggur fjarskiptamáti“
• Samskipti lögreglunnar hleruð

• 1 blogg um fréttina

Bloggað um fréttina

• Ómar Ragnarsson: Æ,æ, þá verða "Hann heitir Róbert.." samtöl ekki lengur á …