Samtals 25 svokölluð hrunmál eru enn í til meðferðar hjá embætti héraðssaksóknara eða í dómskerfinu. Um er að ræða mál sem ná allt frá því að bíða rannsóknar yfir í mál sem saksóknari á eftir að taka ákvörðun um ákæru og svo átta mál sem eru í gangi í dómskerfinu. Þetta kemur fram í svari embættisins við fyrirspurn mbl.is.

Frétt mbl.is: 28 hrunmál í skoðun hjá saksóknara

Enn er eitt mál sem er í bið og ákvörðun hefur ekki verið tekin um hvort verði rannsakað. Þá eru fimm mál í rannsókn og ellefu mál í ákærumeðferð. Ákærumeðferð felur í sér að málin eru í ákvörðunarferli hjá saksóknara hjá embættinu um hvort ákært verði í málinu eða ekki. Samtals eru því 17 mál sem eru enn í skoðun embættisins og ekki er komin ákvörðun hvort ákært verði í eða ekki.

Þá eru tvö mál til meðferðar fyrir héraðsdómi þessa stundina, en það eru markaðsmisnotkunarmál Glitnis og umboðssvikamál tengt félaginu Hreiðar Már Sigurðsson ehf. Tvö mál bíða ákvörðunar um áfrýjun, en meðal annars er Aurum-málið sem dæmt var í nýlega. Þá eru fjögur mál til meðferðar fyrir Hæstarétti.

Í upphafi árs athugaði mbl.is með stöðu þessara mála hjá embættinu og þá voru 22 mál í ákærumeðferð og 6 sem væru í rannsókn eða forgreiningu. Samtals hefur því fækkað um 11 mál sem voru í ákærumeðferð það sem af er árinu. Þess skal getið að oftast eru fleiri en eitt skráð mál á bak við hverja ákæru eða ákvörðun um að fella niður mál. Ein ákæra getur því hæglega þurrkað upp 2-8 mál úr bunkanum.

Tengdar fréttir

Rannsókn sérstaks saksóknara

Ríkinu gert að greiða 1,4 milljónir

• Sterling-málið á dagskrá eftir viku
• 19 hrunmál enn til skoðunar
• „Glaðir að 6 ára martröð sé lokið“
• Fallið frá áfrýjun í Aserta-máli

» Fleiri tengdar fréttir

• Blogga um frétt