„Náist traust samstarf meðal fólks gerast góðir hlutir. Af eðlislægri bjartsýni tel ég ekki útilokað að fjárlagafrumvarpið verði samþykkt fyrir jól. Málið er nú í umfjöllun nefndar og svo tekur þingið sjálft við,“ segir Haraldur Benediktsson, formaður fjárlaganefndar Alþingis.

Stíft var fundað á Alþingi í gær í fjárlagavinnu, þar sem mikið var fjallað um ýmsa útgjaldaliði. Fjárlagavinnuna segir Haraldur vera mjög krefjandi. Nú sé í fyrsta sinn starfað eftir nýjum lögum um opinberar fjárreiður sem taki gildi um áramótin.

Steingrímur J. Sigfússon, forseti Alþingis, sagðist í samtali við Morgunblaðið í gærkvöldi ekki treysta sér til þess að segja til um hvort lj úka mætti þingstörfum fyrir jól. Áfangar væru þó að nást. Efnahags- og viðskiptanefnd hefði þegar lokið umfjöllun um frumvarp til laga um kjararáð. Nefndarálit lægi fyrir og í dag væri að vænta umsagnar nefndarinnar um lífeyrismálin, en mikil áhersla hefur verið lögð á að afgreiða þetta tvennt á haustþinginu. Einnig þyrfti að afgreiða fjáraukalög og bandorm vegna fjárlaga – þ.e. breytingar á ýmsum lögum þeirra vegna.

Tengdar fréttir

Fjárlagafrumvarp 2017

Mikilvægt að vita hvaða valdi sé afsalað

• Fjárlögin mjög þensluhvetjandi
• Ný ríkisstjórn snúi við blaðinu
• Erfitt ár í vændum hjá háskólanum
• Miðjuþrepið fellt niður

» Fleiri tengdar fréttir