Fundur í kjaradeildu sjómanna og Samtaka fyrirtækja í sjávarútvegi (SFS) hófst klukkan 11 hjá ríkissáttasemjara eftir að hafa verið seinkað um eina klukkustund. 

Valmundur Valmundsson, formaður Sjómannasambandsins, sagðist í samtali við mbl.is í morgun, skömmu fyrir fundinn, gruna hann yrði stuttur. 

Frétt mbl.is: Auðvitað næst ekki allt í gegn

Verkfall sjómanna hófst síðasta miðvikudagskvöld. Það hefur víðtæk áhrif á störf til sjós og lands en einnig stöðu Íslands á fiskmörkuðum. 

Heiðrún Lind Marteinsdóttir, framkvæmdastjóri SFS, sagði í gær að þungt hljóð væri í fólki og að ákveðinn vandi sé á höndum. Vegna breyttrar afstöðu sjómannaforystunnar verði erfitt að eiga við þá stefnubreytingu.