Margrét Sóley Kristinsdóttir var dúx Fjölbrautaskólans í Garðabæ en 64 nemendur brautskráðust í vikunni. Margrét útskrifaðist af náttúrufræðabraut og hlaut auk þess fjölmörg önnur verðlaun fyrir góðan árangur.

„Læra jafnt og þétt yfir önnina,“ svarar Margrét því til spurð hver galdurinn sé á bakvið árangurinn. Margrét hefur gaman að raungreinum og stendur efnafræðin og stærðfræðin upp úr eftir námið í FG. Raungreinar hafa alltaf verið hennar greinar, að eigin sögn. Hún er virkilega ánægð með námið í FG og segir starfsfólk og kennara skólans hafi reynst sér mjög vel. „Ég hef líka eignast mikið af góðum vinum í skólanum,“ segir hún. 

Þegar Margrét var spurð hvaða fleiri verðlaun hún hafi fengið við útskriftina átti hún örlítið erfitt með að rifja það upp en það kom að endingu. Hún hlaut alls sex verðlaun, meðal annars fyrir góðan námsárangur í efnafræði. Auk þess fékk hún verðlaun fyrir íþróttir, mætingu, tungumálaverðlaun og sérstök verðlaun frá Háskólanum í Reykjavík. Í þeim verðlaunum felst að ein önn í námi við skólann er niðurgreidd. 

Margrét útskrifaðist eftir þrjú og hálft ár í námi. Hún ætlar að vinna í hálft ár og hefja háskólanám í haust. Hún er ekki búin að gera upp hug sinn hvaða nám verður fyrir valinu en eitt er víst að nám í raungreinum verða fyrir valinu. Hún bendir á að hún eigi eflaust eftir að ákveða sig þegar hún mætir á kynningu háskólanna á námsframboði sínu sem er oftast á vormánuðum.

Frétt mbl.is: 64 út­skrifuðust úr FG

Tengdar fréttir

Útskriftir

Dúxinn með 8,37 í meðaleinkunn

• Sjúkraflutningaskólinn útskrifar 229 nemendur
• Dúxaði í MA með 9,83 í einkunn
• Myndskeið: Gleymdist á útskriftarathöfn HÍ
• Dúx FB segir blinduna ekki aftra sér

» Fleiri tengdar fréttir

• Blogga um frétt