Blómvöndur liggur við tröppur á Laugavegi 31 til minningar um Birnu Brjánsdóttur sem lést 14. janúar síðastliðinn. Birna sást síðast á lífi á gangi við Lauga­veg, hús nr. 31. Vegfarandi hafði lagt blómvöndinn við hlið kertaluktar sem stendur við tröppurnar sem fangaði athygli ljósmyndara mbl.is sem var í nágrenninu.  

Hvarf Birnu og and­lát henn­ar hef­ur ekki látið einn ein­asta Íslend­ing ósnort­inn. Í gær kveiktu marg­ir á kert­um og minnt­ust henn­ar. Inga Björk Bjarnadóttir ákvað að kveikja á kertum og fara með blómvönd í Úteyjar-minningarlautina við Norræna húsið í gærkvöldi. Tæplega 20 manns voru viðstaddir. 

„Þetta var falleg stund. Við kveiktum á kertum og stöldruðum aðeins við,“ segir Inga Björk. Hún ákvað að segja frá minningarstundinni á samfélagsmiðlum ef einhverjir vildu einnig koma. Hún hefur ekki frétt af skipulagðri minningarstund um Birnu í dag. 

Hvíldu í friði, Birna Brjánsdóttir. mbl.is/Eggert

Tengdar fréttir

Birna Brjánsdóttir

Fjalla um mál Birnu Brjánsdóttur

• Thomas Møller Olsen fluttur til Danmerkur
• Tekur ekki fyrir mál Thomasar Møller
• Aðferðir lögreglu gagnrýndar
• Föt og púsl ekki hluti af sakarkostnaði

» Fleiri tengdar fréttir

• Blogga um frétt