Bjartsýni, samvinna, samstarf og traust var Theodóru S. Þorsteinsdóttur, þingmanni Bjartrar framtíðar, ofarlega á huga í ræðu sinni á Alþingi í kvöld. Hún benti á að í adraganda kosninga hefði mikið verið rætt um að breyta þyrfti vinnubrögðum á þingi og meira traust þyrfti að ríkja um störf helstu lykilstofnana og fyrirtækja samfélagsins eftir efnahagshrunið.

Uppgjöri efnahagshrunins væri ekki lokið. Að því sögðu benti hún á að nýja ríkisstjórnin væri að endurskoða ákvarðanir, aðgerðir og aðgerðaleysi sem hafði mikil áhrif á líf einstaklinga hérlendis.   

„Okkur verður að auðnast að vinna saman sem ein heild um málefni og hagsmuni almennings en hrökkva ekki strax í skotgrafir sem snúast um kreppta hnefa, gífuryrði og að slá pólitískar keilur,“ sagði Theodóra og vonaðist til að eiga í góðu samstarfi við alla flokka á þingi því einungis þannig væri hægt að finna bestu mögulegu lausn mála.

Tengdar fréttir

Alþingiskosningar 2016

Brutu lög með SMS-skilaboðum

• Skýrslan var tilbúin fyrir kosningar
• Lítill stuðningur við ríkisstjórnina
• „Báknið byggt upp“
• Gaf frá sér formennsku í þremur nefndum

» Fleiri tengdar fréttir

• Blogga um frétt