Gaf frá sér formennsku í þremur nefndum
Setja bókamerki
Bjarni Benediktsson, forsætisráðherra, tjáir sig um skipan nefnda Alþingis á Facebook-síðu sinni. Þar segir að hann að stjórnarandstaðan hafi gefið frá sér formennsku í þremur nefndum því hún hafi ekki getað komið sér saman um hvað ætti að falla í hlut hvers.
Bjarni segir að gengið hafi verið út frá því að tveimur nefndum yrði stýrt af stjórnarandstöðu, þ.e. stjórnskipunar- og eftirlitsnefnd annars vegar og velferðarnefnd hins vegar.
Hann nefnir að stjórnarandstaðan hafi viljað ná samkomulagi um þriðju nefndina og að samið yrði um varaformennsku í nefndum.
Þá hafi legið fyrir að tveimur nefndum yrði stýrt af Vinstri-grænum og Pírötum. Ef samið yrði um þriðju nefndina yrði það til að tryggja að Framsóknarflokkurinn færi fyrir einni nefnd. Þróuðust samtölin með þeim hætti að Framsóknarflokkurinn sóttist eftir formennsku í efnahags- og viðskiptanefnd og var það samþykkt af hálfu stjórnarflokkanna, að sögn Bjarna.
„Með þessu höfðu stjórnarflokkarnir fallist á að fela stjórnarandstöðu forystu í fleiri nefndum en dæmi eru um. Þessu er hins vegar öllu snúið á haus á þann veg að þar sem samkomulagið hafi snúist um að fallast á bón Framsóknarflokksins um forystu í efnahags- og viðskiptanefnd þá hafi stjórnarflokkarnir viljað hafa áhrif á val stjórnarandstöðunnar. Því er slegið upp sem staðreynd í fyrirsögn fréttar á RÚV,“ skrifar Bjarni á Facebook.
„Það væri nær að skrifa frétt um að stjórnarandstaðan hafi gefið frá sér formennsku í þremur nefndum því hún gat ekki komið sér saman um hvað ætti að falla í hvers hlut. Getur verið að Píratar hafi ekki getað unnt Framsóknarflokknum þess að leiða mikilvæga nefnd og hafi frekar viljað kasta öllu frá sér til að koma þeirri sögu á kreik að stjórnin hafi ekkert boðið?“
Frétt mbl.is: Gætu haft formennsku í öllum fastanefndum
Sparnaður heimila vex meira en áður var talið
Sáu eldgosið brjótast út frá Snæfellsnesi
Heitt vatn fannst sem gæti annað 10 þúsund manns
Hvað gerðist eiginlega í VMA?
Úlfar: Heppileg tímasetning á gosinu