Hafna bótaskyldu vegna vélsleðaferðar
Setja bókamerki
Áströlsku hjónin sem grófu sig í snjó á Langjökli eftir að þau urðu viðskila við vélsleðahóp á vegum Mountaineers of Iceland í byrjun janúar hafa leitað aðstoðar lögmanns til að kanna skaðabótaskyldu fyrirtækisins.
Vísir sagði fyrst frá þessu en í samtali við mbl.is sagði Árni Helgason, lögmaður hjónanna, að forsvarsmenn Mountaineers of Iceland höfnuðu alfarið bótaskyldu.
Frétt mbl.is: „Eru þeir búnir að gleyma okkur?“
Hjónin David og Gail Wilson urðu viðskila við vélsleðahóp í skipulagðri ferð á Langjökli 5. janúar. Í samtali við fréttastofu RÚV sagðist David afar óánægður með fyrirtækið.
„Það ætti að loka fyrirtækinu. Það sendir okkur af stað þegar það er stormviðvörun. Við töluðum við annan leiðsögumann. Hann fór af stað með hóp en sneri til baka eftir 15 mínútur af því að þetta var ekki öruggt,“ segir David. „Í öðru lagi kenndu þeir okkur ekki að gangsetja sleðann. Það er alveg fáránlegt.“
Sendi almenna fyrirspurn
„Þau leituðu til mín hjónin og ég tók að mér þeirra mál. Ég sendi almenna fyrirspurn á fyrirtækið til að kalla eftir gögnum og spyrja út í þeirra afstöðu og fékk þá það svar að þeir höfnuðu alfarið bótaskyldu,“ segir Árni en fyrirtækið sendi honum ýmis gögn um málið.
Fyrirspurn Árna sneri bæði að bótum vegna beins tjóns hjónanna og miskabótum vegna þeirrar erfiðu lífsreynslu sem atvikið var. „Þau auðvitað voru þarna í lífshættu.“
Málið er nú í vinnslu en endanleg ákvörðun um framhaldið liggur að sögn Árna fyrir á næstu vikum.
„Við reiknum fastlega með því að mál verði höfðað og þá verði þetta bara eitthvað sem verður tekist á um fyrir dómstólum.“
Skoða ráðstafanir vegna mikillar kuldaspár
300 tonn af búslóðum Grindvíkinga beint á haugana
Segir lögreglu hafa hætt við þegar lögmaður mætti
Æskuvinir sem fóru í víninnflutning frá Georgíu
KEF Spa: „Eitthvað sem þú hefur ekki séð áður“
Sex fluttir með þyrlunni og þar af eitt barn
„Við munum grípa inn í“