Segir ummæli ráðherra ótæk
Setja bókamerki
Hanna Katrín Friðriksson, þingflokksformaður Viðreisnar, segir ótækt að Sigríður Andersen dómsmálaráðherra, haldi því fram að kynbundinn launamunur sé ekki til, heldur að ástæða launamunar sé að konur verji meiri tíma með börnum sínum. Þetta kemur fram í færslu á Facebook-síðu hennar, en fyrr í vikunni sagði mbl.is frá því að Sigríður hefði dregið kynbundinn launamun í efa í grein sem hún skrifaði í árshátíðarrit laganema.
Í greininni vísar Sigríður til þess að í launakönnunum komi fram launamunur, en þegar leiðrétt hafi verið fyrir þáttum á borð við vinnutíma, mannaforráðum, menntun og reynslu þá sé aðeins eftir um 5% tölfræðilegur marktækur munur á kynjunum. Segir hún að þar til viðbótar bætist huglægir ómælanlegir þættir sem erfitt sé að fella inn í líkön af þessu tagi.
Þá vakti það athygli á samfélagsmiðlum að dómsmálaráðherra hefði notað gæsalappir í kringum orðin kynbundinn og jafnréttismál í greininni.
Hanna Katrín segir að það sé vitað að kynbundinn launamunur sé raunverulegur. „Það er hlutverk okkar þingmanna að gera það sem við getum að útrýma því óréttlæti. Þess vegna er ótækt að dómsmálaráðherra haldi því fram að kynbundinn launamunur sé ekki til, heldur sé ástæða launamunar að konur verji meiri tima með börnum sínum.
Það er árið 2017 og konur og karlar eiga að fá borguð sömu laun fyrir sömu vinnu. Þetta er ekkert til að rífast um,“ segir í færslu hennar.
„Erum í miðri hrinu“: Styttist í Eldvörp
Börn hafi engan rétt á leikskólakennslu
Sólveig Anna furðar sig á aðferðum kennara
/frimg/1/53/7/1530787.jpg)
Flogið á milli ljósaskipta
Hraun kemur úr þremur gígum: Virknin stöðug
Yfir 300 stæði fóru undir hraun
Hótar Bretum og Bandaríkjamönnum
Nýtt fangelsi í landi Stóra-Hrauns tilbúið 2028