„Þungbært“ að sjá brot á mannréttindum
Setja bókamerki
„Við erum að sjálfsögðu ánægð með niðurstöðu Hæstaréttar. Á sama tíma er þungbært að horfa upp á að þessi grundvallarmannréttindi hafi verið brotin á fólki fyrir héraðsdómi,“ segir Kristín Edwald, verjandi Magnúsar Guðmundssonar í Marple-málinu.
Dómur Héraðsdóms Reykjavíkur í máli ákæruvaldsins gegn Hreiðari Má Sigurðssyni, fyrrverandi forstjóra Kaupþings, Magnúsi Guðmundssyni, fyrrverandi bankastjóra Kaupþings í Lúxemborg, og fleirum, var ómerktur af Hæstarétti fyrr í dag. Ástæðan var sú að einn dómari í málinu var vanhæfur.
Í október árið 2015 hafði héraðsdómur komist að þeirri niðurstöðu að umræddur dómari væri ekki vanhæfur. Kristín bendir á að Hæstiréttur sé „mjög afdráttarlaus í sinni niðurstöðu“.
Kristín segir jafnframt að það sé réttur allra að flytja mál sitt fyrir óhlutdrægum dómstól. Sá réttur er hvort tveggja verndaður í stjórnarskránni og mannréttindasáttmála Evrópu.
Málinu er vísað aftur til héraðsdóms þar sem aðalmeðferð málsins fer fram að nýju. Skipa þarf meðal annars nýja dómara og skýrslutaka þarf að fara fram að nýju.
Spurð hvenær það verði sagðist Kristín ekki geta svarað því. Hún taldi það geta tekið talsverðan tíma.
Beint: Eldgos hafið við Stóra-Skógfell
Erlendir miðlar greina frá tíunda gosinu
Hvað gerðist eiginlega í VMA?
„Erum í miðri hrinu“: Styttist í Eldvörp
Úlfar: Heppileg tímasetning á gosinu
Á algjöru frumstigi eftir þrjár vikur af verkfalli
Hraunið við bílastæði Bláa lónsins