Fannfergið sem féll í dag hefur stóraukið spurn eftir leigubílum og fækkað leigubílum á götum úti sem hefur valdið töluverðri bið hjá leigubílastöðvum Reykjavíkur. Þurfa viðskiptavinir Hreyfils og BSR nú að bíða í allt að klukkutíma eftir bíl.

Hjá BSR fengust þær upplýsingar að bið eftir bílum væri á bilinu 30 til 60 mínútur en hjá Hreyfli er biðin um 30 mínútur. Samkvæmt upplýsingum frá Hreyfli er biðin frekar að lengjast en styttast, en töluvert fleiri eru að hringja á eftir bílum í kvöld en önnur sunnudagskvöld á sama tíma og færri leigubílar eru á götum úti.

Mynd úr safni. mbl.is/Ómar Óskarsson

Tengdar fréttir

Snjóþyngsli í febrúar

„Ömurlegt“ ástand í miðbænum

• Hirða sorp á laugardag vegna ófærðar
• Ruddu tvo og hálfan hringveg
• Hirtu ekki sorp vegna ófærðar
• Snjódýptin í Borgarfirði var 63 sm

» Fleiri tengdar fréttir

• Blogga um frétt