Leigubílar hafa átt erfitt með að komast leiðar sinnar í morgun, rétt eins og aðrir bílar, og hafa margir þeirra setið fastir í snjónum.

Mikil aðsókn hefur verið í leigubíla það sem af er degi, meðal annars frá fólki sem hefur þurft að komast í vinnuna. Einnig þurftu margir að bíða eftir leigubíl í miðbænum í nótt vegna slæmrar færðar.

Að sögn leigubílstjóra hjá BSR sem blaðamaður mbl.is ræddi við höfðu margir leigubílar fest sig í fannferginu og var skorturinn á leigubílum því töluverður.

Sjálfur hafði leigubílstjórinn þurft að sækja kollega sína sem komust hvorki lönd né strönd í snjónum. 

Tengdar fréttir

Snjóþyngsli í febrúar

„Ömurlegt“ ástand í miðbænum

• Hirða sorp á laugardag vegna ófærðar
• Ruddu tvo og hálfan hringveg
• Hirtu ekki sorp vegna ófærðar
• Snjódýptin í Borgarfirði var 63 sm

» Fleiri tengdar fréttir

• Blogga um frétt