Snjómokst­ur geng­ur hægt en öll tæki hafa verið að störf­um frá þrjú í nótt, seg­ir Hall­dór Þór­halls­son hjá fram­kvæmda­sviði Reykja­vík­ur­borg­ar. Hann biður fólk sem hef­ur tök á því, að koma bíl­um sín­um út úr íbúðargöt­um svo hægt sé að ryðja þær. Mokst­ur­inn tek­ur ein­hverja daga enda fann­fergið gríðarlegt.

Hall­dór biður fólk um að gefa sér góðan tíma í að kom­ast leiðar sinn­ar nú í morg­uns­árið því þrátt fyr­ir að þokka­leg færð sé á stofn­leiðum er ljóst að um­ferðin mun ganga hægt. 

Á milli 30 og 40 ruðnings­tæki eru að störf­um í hverf­um borg­ar­inn­ar og verða fram á kvöld. Hall­dór á von á því að þannig verði það næstu daga svo hægt sé að ryðja öll hverfi.

Mjög erfitt get­ur verið að ryðja smærri göt­ur ef marg­ir bíl­ar eru við göt­urn­ar og því væri það gott ef fólk gæti komið bíl­um sín­um í burtu á meðan mokst­ur stend­ur yfir. 

Hér er hægt að fylgj­ast með snjómokstri í Reykja­vík

Tengd­ar frétt­ir

Snjóþyngsli í fe­brú­ar

„Ömur­legt“ ástand í miðbæn­um

• Hirða sorp á laug­ar­dag vegna ófærðar
• Ruddu tvo og hálf­an hring­veg
• Hirtu ekki sorp vegna ófærðar
• Snjó­dýpt­in í Borg­ar­f­irði var 63 sm

» Fleiri tengd­ar frétt­ir

• Blogga um frétt