Alls eru 65 björgunarsveitarmenn að störfum í Kársnesi og meðfram strandlengjunni þar en leitarsvæðið nær allt frá Seltjarnarnesi að Álftanesi. Formleg leit að Arturi Jarmoszko hófst í hádeginu en ekkert hefur spurst til hans síðan um mánaðamótin. Leitað er í bátum, með drónum auk þess sem gengið er meðfram ströndinni, að sögn Þorsteins G. Gunnarssonar, upplýsingafulltrúa Slysavarnafélagsins.

Guðmundur Páll Jónsson lögreglufulltrúi segir að enn sé verið að vinna úr gögnum úr síma Arturs en síminn var síðast tengdur neti aðfaranótt 1. mars. Síðan þá hefur síminn ekki verið notaður. Vettvangur leitarinnar tekur mið af upplýsingum úr símagögnum sem lögreglan hefur aflað með aðstoð símafélagsins. 

Síðast var vitað um ferðir Arturs í miðborg Reykjavíkur seint á þriðjudagskvöldinu 28. febrúar sl., líkt og fram kom á mynd í eftirlitsmyndavél, en nú er talið, vegna framkominna símagagna, að hann hafi farið til Kópavogs í framhaldinu og verið þar á ferð snemma aðfaranætur miðvikudagsins 1. mars.

Síðast er vitað um ferðir Artur Jarmoszkos 1. mars.

Artur, sem er 25 ára og grannvaxinn, dökkhærður með stutt hár, 186 sm á hæð og með græn augu, er pólskur, en hefur búið á Íslandi um allnokkurt skeið. Talið er að hann sé klæddur í svarta úlpu eða mittisjakka, bláar gallabuxur og hvíta strigaskó.

Björgunarsveitir eru að störfum við Kársnesið í Kópavoginum.

Tengdar fréttir

Lýst eftir Art­ur Jarmosz­ko

Líkamsleifarnar af Arturi

• Segir Rambó hafa svikist undan
• Öllum ráðum beitt í leitinni að Arturi
• Einkaaðili rannsakar hvarf Arturs
• Sendiherra upplýstur vegna Arturs

» Fleiri tengdar fréttir

• Blogga um frétt