Sól­ey Jón­as­dótt­ir, starfsmaður hjá Vega­gerðinni, hef­ur lokið við að fara hring­veg­inn þar sem hún hef­ur skráð niður þá staði þar sem ferðamenn stoppa oft­ast. Hún legg­ur nú loka­hönd á skýrslu sem nýt­ist ef farið verður í að fjölga út­skot­um á þjóðveg­um lands­ins.

„Þetta gekk út á það að skrá staði þar sem ferðamenn eru að stoppa við vegi eða í veg­kanti. Þeir hnapp­dreifast á suma staði, vegna ein­hvers í um­hverf­inu,“ seg­ir Sól­ey í sam­tali við mbl.is en hún skráði fjölda staða þar sem vin­sælt er að stöðva öku­tæki og skoða sig um.

„Ég er búin að skrá 103 staði á hring­veg­in­um en þetta er lang­mest í kring­um Vík og að Höfn.“

Hún seg­ir að fólk hafi tals­verðar áhyggj­ur, enda skap­ist oft hætta þegar fólk stöðvar öku­tæki úti í veg­kanti á þjóðveg­um. „Fólk hef­ur áhyggj­ur af þessu og þetta er mikið ör­ygg­is­mál. Oft mun­ar mjög litlu að slys verði. Að sama skapi er van­mátt­ur­inn mik­ill; það eru ekki til pen­ing­ar í þetta en vanda­málið er til staðar.“

Sól­ey ræddi við stóra aðila í ferðaþjón­ust­unni og starfs­fólk í þjón­ust­u­r­ekstri Vega­gerðar­inn­ar til að átta sig bet­ur á helstu stopp­un­um. „Þetta ligg­ur þá fyr­ir, hvar þeir eru að stoppa, en fram­haldið er háð fjár­lög­um.“

Tengd­ar frétt­ir

Vaxt­ar­verk­ir í ferðaþjón­ustu

„Aðvör­un­ar­ljós á ákveðnum mörkuðum“

• Dýr­asta bíla­stæði í heimi?
• Ferðamenn ættu að forðast Reykja­vík
• Urðu fyr­ir aðkasti í hús­bíl
• Hækk­un VSK þarf sér­stakt frum­varp

» Fleiri tengd­ar frétt­ir

• Blogga um frétt