Benedikt Jóhannesson fjármálaráðherra segir að það sé merkilegt að Sigurður Ingi Jóhannsson, þingmaður Framsóknarflokksins og fyrrverandi forsætisráðherra, skuli ekki muna að hann hafi margoft samþykkt heimild í fjárlögum til að selja landið við Vífilsstaði. Hann hafi oft fengið tækifæri til að mótmæla slíkri sölu, m.a. sem forsætisráðherra. 

Þetta kemur fram í færslu sem Benedikt birti á Facebook nú í kvöld.

Frétt af mbl.is

„Hvað lá á?“

Frétt af mbl.is

Vífilsstaðir seldir á sanngjörnu verði

Frétt mbl.is: Hekt­ar­inn seld­ur á 2,5 millj­ón­ir í stað 20 millj­óna

Sigurður Ingi óskaði fyrr í dag eftir umræðum við fjármálaráðherra til að ræða sölu á landinu til Garðabæjar. Hann benti m.a. á að árið 2002 hafi verð á hektara verið um 10 milljónir króna. Á núvirði væri það rúmlega 20 milljónir. Nú hefði ríkið hins vegar samið um 2,5 milljónir á hektara

Samningurinn mjög sanngjarn

Benedikt segir að salan á Vífilsstaðalandinu sé mjög gott mál.

„Við erum að vinna með bæjarfélögunum til þess að auka framboð á húsnæði. Garðabær ætlar að skipuleggja 12-1.500 íbúða byggð á landinu, sem er góð viðbót. Sumum finnst að við hefðum átt að selja landið til braskara. Það höfðar ekki til mín, þó svo að einhverjir aðrir stjórnmálamenn telji slíkt betri kost, því að við viljum halda i íbúðarverði niðri. Endanlegt söluverð kemur ekki í ljós fyrr en búið vitum hvert lóðaverð verður. Ríkið fær bæði greiðslu strax og svo hlutdeild í söluverði þegar líður [lóðir] verða seldar, þannig að samningurinn er mjög sanngjarn. Mér finnst líklegt að það verði margfalt.hærra en það sem greitt var beint,“ skrifar ráðherra.

Hann bendir ennfremur á, að Garðabær hafi skipulagsvald. Landið hafi verið skilgreint sem útivistarsvæði þannig að ríkið hefði ekki getað selt öðrum það undir lóðir, því bærinn einn hafi skipulagsvald.

Ekkert mælir á móti því að þarna verði seinna byggður spítali

„Þannig að það er ekki nokkur vafi á því að þetta er góð ákvörðun. Ekkert mælir á móti því að þarna verði seinna byggður spítali, en þá þurfa menn að taka ákvörðun um það fljótlega. Nú er búið að ákveða að byggja spítali búið Hringbraut og við byrjum á því,“ skrifar Benedikt.

Þá segir hann að það sé merkilegt að Sigurður Ingi skuli ekki muna að hann hefur margoft samþykkt heimild í fjárlögum til þess að selja þetta land. „Þannig að hann hefur oft fengið tækifæri til þess að mótmæla slíkri sölu, meðal annars sem forsætisráðherra.“

Salan á Vífilsstaðalandi

• Um er að ræða alls 202,4 ha sem er svæðið í kringum  Vífilsstaðaspítala, svæði austan Vífilsstaða (Skyggnir), núverandi golfvallarsvæði GKG, friðland í Vífilsstaðahrauni (Svínahrauni) og Rjúpnahæð á móts við Kjóavelli.
• Kaupverðið á landinu nemur 558,6 milljónir og byggir það á mati á grunnverði landsins sem aðilar stóðu sameiginlega að.
• Samningurinn gerir ráð fyrir að til viðbótar grunnverði eigi ríkið rétt á 60% hlutdeild í ábata af sölu byggingarréttar á svæðinu verði byggingarmagn aukið umfram það sem gert var ráð fyrir við verðmat landsins. Samningur um ábataskipti gildir til nokkurra áratuga. Undanskildar eru allar húseignir ríkisins á Vífilsstöðum en gerðir verða lóðarsamningar um eignirnar.

Tengdar fréttir

Sala á Vífilsstöðum

Engin svör, aðeins „skítkast“

• Heimild í fjárlögum dugar ekki til
• Gæti orðið margfalt grunnkaupverðið
• Vífilsstaðir seldir á sanngjörnu verði
• „Hvað lá á?“

» Fleiri tengdar fréttir

• Blogga um frétt