Úttekt á Grindavíkurvegi í næstu viku
Setja bókamerki
Vegagerðin mun gera úttekt á umferðaröryggi á Grindavíkurvegi í næstu viku. Einnig er verið að skoða hver kostnaðurinn yrði við endurbætur á veginum.
Þetta segir G. Pétur Matthíasson, upplýsingafulltrúi Vegagerðarinnar. Hann segist ekki vita hve lengi úttektin mun standa yfir en segir að henni muni ljúka í sömu viku.
Grindvíkingar hafa lagt mikla áherslu á að vegurinn verði lagfærður og kom sú krafa upp eftir tvö banaslys sem þar urðu með skömmu millibili.
Vegagerðin hefur unnið að greiningu á veginum að ósk innanríkisráðuneytisins.
Hjá Vegagerðinni hafa verið teknar frá 20 milljónir króna vegna fyrstu framkvæmda í umhverfi Grindarvíkurvegar, sem farið verður í þegar niðurstöður væntanlegrar úttektar liggja fyrir.
Grindavíkurvegur er ekki á samgönguáætlun en í áætluninni er svigrúm til að fara fljótt í framkvæmdir á vegum sem mikið álag er á vegna ferðamannastraums.
Bjarni: „Útilokað að þetta geti gengið upp“
Bjarni afhenti Kristrúnu lyklana
Samfylking og Viðreisn gáfu loforð
Telur sér ekki heimilt að úthluta Helga verkefni
Skattamál verði líklega „þeirra mesta klemma“
„Aðstæður í stjórnmálum geta breyst á einni nóttu“