Sena Live hefur lengi verið í samskiptum við umboðsmann Bítilsins Paul McCartney, þar sem gagnkvæmur áhugi er á samstarfi, samkvæmt heimildum ViðskiptaMoggans.
Þá herma heimildir blaðsins að samtal hafi átt sér stað við umboðsmenn Rolling Stones og Beyonce, auk listamannsins SIA.
Rekstur Senu Live gekk vel á síðasta ári og veltan nam 800 milljónum króna. Engir stórtónleikar verða í Kórnum á þessu ári, en mögulega á því næsta, að því er fram kemur í umfjöllun um mál þetta í ViðskiptaMogganum í dag.