Fjöldi farþega í flugvél Primera Air sem lenti utan flugbrautar við lendingu á Keflavíkurflugvelli skömmu eftir klukkan fimm í dag var 137. Þar af tvö ungbörn. Sex voru í áhöfn vélarinnar. Þetta kemur fram í yfirlýsingu frá flugfélaginu vegna óhappsins.

Þar segir ennfremur að Primera Air geti staðfest að flug 6F108 frá Alicante á Spáni til Keflavíkurflugvallar hafi lent í erfiðleikum við lendingu á flugvellinum. Flugvélin hafi runnið út af flugbrautinni í slæmu veðri, það er mikilli snjókomu.

Flugvélin er af gerðinni 737-800. Ekki sé vitað á þessari stundu um að farþegar eða áhafnarmeðlimir hafi orðið fyrir meiðslum.

Samkvæmt upplýsingum mbl.is er byrjað að flytja farþegana úr flugvélinni og yfir í flugstöðina.

Tengdar fréttir

Farþegaþota rann út af flugbraut

Hefðu þurft að fara út um rennuna

• Segir vélina ekki hafa „orðið að lenda“
• Flugstjórar fá allar upplýsingar
• „Allir brugðust hárrétt við“
• Rannsókn mun taka daga eða vikur

» Fleiri tengdar fréttir

• Blogga um frétt