Lögreglan á Suðurlandi hefur staðfest að maðurinn sem lést við kajakróður við mynni Þjórsár hafi verið íslenskur.
Eftir því sem Morgunblaðið kemst næst var hinn maðurinn franskur. Ekki er vitað um tildrög slyssins að svo stöddu.
Samkvæmt upplýsingum frá Landhelgisgæslunni var maðurinn sem lést meðvitundarlaus þegar hann var hífður um borð í þyrlu Gæslunnar, TF-GNA, og báru endurlífgunartilraunir á leiðinni til Reykjavíkur ekki árangur.