Píratar hafa fagnað því í kvöld að í morgun var Chelsea Manning látin laus úr fangelsi eftir sjö ára afplánun. Hún var dæmd til fangavistar fyrir að hafa lekið hundruðum þúsunda skjala í eigu banda­rískra stjórn­valda til upp­ljóstr­un­ar­síðunn­ar Wiki­leaks árið 2010.

Frétt af mbl.is

Píratar fagna frelsi Manning

„Hér er búin að vera góð stemning,“ segir Einar Aðalsteinn Brynjólfsson, þingflokksformaður Pírata, í samtali við mbl.is. Hann segir að Píratar líti upp til Manning og beri óhemjumikla virðingu fyrir henni.

„Þetta er manneskja sem fórnaði öllu til að upplýsa um skelfilega glæpi sem framdir voru í nafni bandaríska hersins og bandarískrar ríkisstjórnar á saklausum borgurum. Það kennir okkur og minnir á að baráttan fyrir réttindum og réttlæti, henni lýkur aldrei. Það er hart sótt að þessum réttindum. Þess vegna er þetta gleðistund fyrir okkur,“ segir Einar.

Enginn gesta í gleðinni hefur hitt Manning en Einar segir að Píratar vilji bjóða henni til landsins. „Við viljum mjög gjarnan fá hana í heimsókn. Við erum búin að vera að streyma á netinu í kvöld og munum koma þeim skilaboðum til hennar.“

Tengdar fréttir

Chelsea Manning

Sautján nýjar ákærur á hendur Assange

• Vilja hneppa Assange í fimm ára fangelsi
• Manning fangelsuð fyrir að neita að bera vitni
• Þrjóturinn sem tilkynnti Manning látinn
• Manning vill á þing

» Fleiri tengdar fréttir

• Blogga um frétt