Sex sjúkraflutningamenn hjá Heilbrigðisstofnun Norðurlands á Blönduósi láta af störfum á miðnætti, hafi ríkið þá ekki fallist á að gera við þá kjarasamning.
Stjórn Landssambands slökkviliðs- og sjúkraflutningamanna hefur átt í samskiptum við fulltrúa ríkisins undanfarna daga og segist Stefán Pétursson formaður vera að bíða eftir tilboði frá ríkinu.
Óánægja hefur verið meðal sjúkraflutningamanna sem sinna sjúkraflutningum í aukastörfum með að fá ekki kjarasamning og sögðu starfsmennirnir á Blönduósi upp störfum.