Töluverður mannfjöldi safnaðist saman í miðborg Reykjavíkur í dag til að fagna sjómannadeginum. Hátíð hafsins nefnast hátíðahöldin í Reykjavík en hún samanstendur af tveimur hátíðardögum, hafnardeginum sem haldinn var í gær og sjómannadeginum sem haldinn er í dag.
Hátíðarsvæðið nær frá Hörpu, um gömlu höfnina, út á Grandagarð og að HB Granda, og er útisvið á Grandagarði með skipulögðum viðburðum.
Í ár eru hundrað ár liðin frá því að fyrsta áfanga hafnargerðar í Gömlu höfninni í Reykjavík lauk og áttatíu ár liðin frá því að Sjómannadagsráð var stofnað.