Líf Magneudóttir, borgarfulltrúi Vinstri grænna og forseti borgarstjórnar í Reykjavík, kveðst undrandi yfir því að borgarfulltrúar heyri fyrst um það í fjölmiðlum að vopnum búin sérsveit lögreglunnar hyggist standa vaktina á fjölmennum viðburðum í borginni í sumar. Vísar hún þar sérstaklega til tónlistarhátíðarinnar Secret Solstice og hátíðarhalda á þjóðhátíðardaginn þann 17. júní, sem hvoru tveggja séu viðburðir sem borgin þarf að veita leyfi fyrir.

„Ég er þeirrar skoðunar að lögreglan eigi ekki að bera vopn og mér finnst eðlilegt að skoða hvernig borgin geti haft áhrif á það t.d. í gegnum lögreglusamþykkt Reykjavíkur,“ skrifar Líf meðal annars.

Í gær kallaði Andrés Ingi Jónsson, þingmaður Vinstri grænna, eftir því að fundað yrði um vopnaburð lögreglu í allsherjar- og menntamálanefnd. Óskaði hann þar meðal annars eftir því að borgarfulltrúar yrðu boðaðir á fundinn. Áslaug Arna Sigurbjörnsdóttir, formaður nefndarinnar, hyggst svara kalli Andrésar og boða til nefndarfundar á föstudag.

Frétt af mbl.is

Þingnefnd ræðir vopnaburð lögreglu

Tengdar fréttir

Þjóðaröryggismál

Veltir fyrir sér öryggi kínverskra sæstrengja

• Mögulegur olíuskortur í landinu þjóðaröryggismál
• Sameina flugherina vegna kjarnorkuhers Rússa
• Stjórnkerfið skortir burði í öryggismálum
• Stefnt er að opnun nýs þjóðgarðs 17. júní

» Fleiri tengdar fréttir

• 2 blogg um fréttina

Bloggað um fréttina

• Eyjólfur Jónsson: Nú? það eru fremst þið sem gera það að lögreglan …
• Ómar Ragnarsson: Þar sem tveir menn eða fleiri koma saman....