Verjandi Hreiðars Más Sigurðssonar, fyrrverandi forstjóra Kaupþings, óskaði í dag, í Héraðsdómi Reykjavíkur, eftir fresti til að skila greinargerð í umboðssvika- og inn­herja­svika­máli sem Hreiðar er ákærður í og tengist einka­hluta­fé­lag­inu Hreiðari Má Sig­urðssyni ehf. Veittur var frestur til 11. september næstkomandi.

Sam­kvæmt ákæru máls­ins fékk fé­lagið 574 millj­óna króna lán frá Kaupþingi til kaupa á 812 þúsund hlut­um í bank­an­um í ág­úst 2008. 246 millj­ón­ir fóru til kaup­anna en um 324 millj­ón­ir stóðu eft­ir til frjálsr­ar ráðstöf­un­ar, en Hreiðar var eig­andi fé­lags­ins og stýrði því.

Frétt af mbl.is

Stefndi fé bankans í verulega hættu

Hæstiréttur hafnaði nýlega kröfu Hreiðars Más um að fá afhent gögn sem sak­sókn­ari aflaði við rann­sókn málsins. Um er að ræða gögn sem ekki hafa verið lögð fram af ákæru­vald­inu. Má leiða að því líkur að verjandi Hreiðars, Hörður Felix Harðarson, hafi viljað fá það á hreint hvort gögnin fengjust afhent áður en hann lyki við greinargerð í málinu. Hún skal hins vegar vera tilbúin eigi síðar en 11. september, þegar hún verður lögð fram fyrir dómi.

Frétt af mbl.is

Hreiðar fær ekki afrit af gögnum

Tengdar fréttir

Kaupþingsmenn fyrir dómi

„Ánægjuleg niðurstaða sem kemur ekki á óvart“

• MDE: Brotið á réttindum Bjarka í Kaupþingsmáli
• Endurupptökubeiðni Einars Pálma hafnað
• Mál Ingólfs og Bjarkar fyrir MDE
• Bótamál gegn fyrrverandi stjórnendum felld niður

» Fleiri tengdar fréttir

• Blogga um frétt