„Minkum og öðrum meindýrum hefur fjölgað mikið á höfuðborgarsvæðinu undanfarin misseri,“ segir Steinar Smári Guðbergsson, meindýraeyðir hjá Meindýraeyði Íslands.
„Þetta hefur verið að aukast mikið nýlega á þeim stöðum sem ég hef verið að eitra. Til að mynda hefur verið brjálað að gera hjá mér í því að veiða mýs í húsum hjá fólki sem aldrei hefur orðið vart við músagang.“
Hann telur aukninguna eiga rætur sínar að rekja til góðs veðurfars og fárra frostdaga, að því er fram kemur í umfjöllun um uppgang meindýra í Morgunblaðinu í dag.