Norska rann­sókn­ar­skipið Sea­bed Constructor gæti hafið neðansjávarframkvæmdir við þýska flak­ið Mind­en snemma í haust ef starfsleyfisumsóknin verður samþykkt hjá Umhverfisstofnun. Stofnuninni hafa ekki borist fleiri umsóknir um að fara niður að flakinu. 

Frétt af mbl.is

Mega ekki rífa flakið án leyfis

Seabed Constructor komst í fréttirnar í apríl þegar Landhelgisgæslan stefndi skipinu til hafnar vegna gruns um ólöglegar rannsóknir. Skipið fór aftur út á sjó og voru skip­verj­ar byrjaðir að rífa flak þýska kaup­skip­sins Mind­en, sem sökk suður af Íslandi í lok sept­em­ber 1939, þegar Landhelgisgæsla hafði aftur afskipti af þeim. Eftir óvissu um lögmæti framkvæmdanna kom í ljós að áhöfnin þyrfti starfsleyfi frá Umhverfisstofnun. 

„Þeir eru að sækja um að fara með kafbát niður að skipinu og skera í skipsskrokkinn. Tilgangurinn er að ná í verðmæti sem þar er að finna,“ segir Agnar Bragi Bragason, lögfræðingur hjá Umhverfisstofnun. 

Fyrirtækið sem sækir um leyfið heitir Advanced Marine Services Ltd. og er skráð í Bretlandi. Það hefur ekki upplýst Umhverfisstofnun um hvaða verðmæti megi finna í flakinu en í vor töluðu skipverjar óljóst um verðmæta málma við yfirvöld. 

Frétt af mbl.is

„Opna dekkið eins og sardínudós“

Ekki hafa borist fleiri umsóknir um að rífa flakið að sögn Agnars en í júlí rennur út umsagnarfrestur fyrir starfsleyfið. 

„Að því tilskildu að ekkert standi því til fyrirstöðu þá getur leyfið farið í auglýsingu í átta vikur þannig að það gæti verið tækt í lok september eða október ef svo ber við.“

Tengdar fréttir

Sea­bed Constructor

Leitar gulls og silfurs

• Hver á rétt á verðmætunum?
• Almenningur fær að tjá sig um fjársjóðsleitina
• Liggja milljarðar við strendur Íslands?
• Var sökkt með fallbyssuskothríð

» Fleiri tengdar fréttir

• Blogga um frétt